| Nome do curso | Formulación específica en enfoque de marco lóxico aplicado á cooperación internacional para o desenvolvemento |
|---|---|
| Descrición breve | O Enfoque de Marco Lóxico é unha metodoloxía específica para a identificación e planificación de proxectos. O obxectivo desta metodoloxía é chegar a unha proposta de intervención nun lugar concreto para unha poboación determinada e cuns obxectivos precisos. Para iso, a ferramenta metodolóxica establece unha serie de pasos ben guiados que conducen a unha análise sistemática da zona na que se quere traballar e, posteriormente, apoiándose nesa análise, proponse un proxecto con todos os seus elementos claramente definidos. |
| Horas | Introdutorio: 16 horas. Avanzado: 32 horas. |
| Prezo | Introdutorio: 15€ / persoa (máximo 30 persoas) Avanzado: 20€ / persoa (máximo 30 persoas) |
| Obxectivos | · Coñecer a orixe teórica e a aplicación práctica do Enfoque de Marco Lóxico nos proxectos de Cooperación Internacional para o Desenvolvemento. · Aprender a formular un proxecto de cooperación internacional dende o enfoque de Xénero no Desenvolvemento. · Cuestionar a propia metodoloxía enfrontándoa a novas correntes formuladoras. |
| Persoas/Entidades destinatarias | Entidades sociais, persoas interesadas en cooperación internacional para o desenvolvemento |
| Descrición ou índice dos contidos | · Enfoque de Marco Lóxico: breve introdución teórica · Ciclo do proxecto: análise das diferentes partes do ciclo vital dun proxecto de cooperación internacional · O Enfoque de Xénero no Desenvolvemento: unha perspectiva irrenunciable. · Aplicación práctica nun proceso de formulación real. · Enfrontamento de enfoques e metodoloxías |
| Metodoloxía | A pesar de que esta formación contén unha boa parte expositiva, todo se realizará dende o enfoque participativo e experiencial, que se fomentará a través de dinámicas de traballo grupal e coa achega de exemplos concretos e reais sobre proxectos de cooperación internacional para o desenvolvemento. |
| Material necesario | Material de papelería, ordenador, proxector (últimos prescindibles), bo humor, gañas e espazos amables co ser humano (imprescindibles) |
| Docente/s | Tempo de Loaira S. Coop. Galega. |
Contacto para este curso: tempodeloaira@gmail.com / tlf. 686 552 526 (Aida)
Granxa de Servizos 